Qətər hökuməti Zinəddin Zidanın Marko Materaziyə vurduğu məşhur baş zərbəsinin şərəfinə ucaldılmış heykəlin sökülməsinə qərar verib.
Korner.az-ın məlumatına görə, hündürlüyü 5 metr olan abidənin müəllifi əlcəzair əsilli fransalı memar Adel Əbdüssəməddi.
Təxminən bir ay bundan əvvəl Dohada ucaldılmış heykəl yerli əhalinin narazılığıyla qarşılanmışdı. Elə həmin gündən yerli əhali abidənin sökülməsini istəmişdi. Onların bir qismi abidənin idman etikasına, bəziləri isə İslam prinsiplərinə uyğun olmadığı üçün sökülməsini tələb edirdi.
Qeyd edək ki, DÇ-2022 Qətərdə keçiriləcək.