“Neftçi” ilə matçda yaxşı oynayıb qələbə qazandıq. Buna görə hamımız sevinirik. Bu qələbə komanda üçün vacib idi”.
Korner.az-ın məlumatına görə, bu sözləri “Kəpəz”in kapitanı Tural Axundov klubun rəsmi saytına açıqlamasında deyib.
T.Axundov Topaz Premyer Liqanın 26-cı turunda “Neftçi” üzərindəki qələbənin futbolçular üçün stimul olduğunu söyləyib: “Çempionatda uğurlu çıxış etmək istəyiriksə, hər oyunda xal qazanmağa çalışmalıyıq. Məqsədimiz var, ona doğru irəliləyirik. “Neftçi” ilə görüşdəki üç xal bizi ruhlandırmaqla yanaşı, qarşıdakı oyunlara daha ciddi yanaşmağa sövq edir”.
“Kəpəz” Topaz Premyer Liqasının 27-ci turunda Gəncədə “Zirə”ni qəbul edəcək. Təcrübəli müdafiəçi qarşıdakı matçla da bağlı fikirlərini bölüşüb: “Zirə” ilə evdə oynamağımız heç kimi aldatmasın, bu komanda səfərdə də inamlı çıxış edir. Çətin oyun olacaq. Başa düşürük ki, qələbə qazanmağa məcburuq, meydana da bunun üçün çıxacağıq. Bu rəqiblə əvvəlki iki oyunumuz heç-heçə başa çatıb. Amma ilk görüşdə qələbəyə daha çox yaxın idik”.
Kapitan gəncəli azarkeşlərə də səslənib: “Bizim uğurlu çıxışımızda fanatlarımızın da rolu böyükdür. Azərbaycanın bir nömrəli azakeşləri yəqin ki, bizi qarşıdakı görüşdə də tək qoymayacaqlar. “Kəpəz”i qələbəyə səsləyəcəklər. Onları stadiona gözləyəcəyik”.
