“Qəbələ”nin baş məşqçisi Roman Qriqorçuk Premyer Liqanın 23-cü turunun “Xəzər Lənkəran”la oyunundan sonra futbolçularına istirahət verib.
Korner.az-ın məlumatına görə, milli komandamızın toplanışı ilə əlaqədar olaraq çempionatda yaranmış fasilədən yararlanan ukraynalı mütəxəssis yetirmələrini 2 günlük istirahətə buraxıb. Komanda üzvləri fevralın 22-də bir araya gələcəklər.
Qeyd edək ki, “Qəbələ” növbəti turda “Qarabağ”la qarşılaşacaq. Həmin oyun fevralın 28-də keçiriləcək.