Ölkəmizi Avroliqada təmsil edəcək "Qəbələ" klubunun oyunlarının yayım məsələsi dəqiqləşib.
Bu barədə Korner.az saytına açıqlamasında klubun mətbuat xidmətinin rəhbəri Anar Hacıyev məlumat verib.
Onun sözlərinə görə, İyulun 3-də evdə keçiriləcək oyun "İdman Azərbaycan" kanalı vasitəsilə canlı yayımlanacaq.İkinci oyunun yayım məsələsi isə yaxın günlərdə dəqiqləşəcək.
Xatırladaq ki, "Qəbələ" ilk oyununu İyulun 3-də Bosniya və Hersoqovina təmsilçisi "Şiroki Brieq" klubuna qarşı doğma divarlar arasında keçirəcək.Cavab görüşü isə həmin ayın 10-da səfərdə baş tutacaq.