“Qırmızı-qaralar” Topaz Premyer Liqasının IV turu çərçivəsində baş tutacaq “Qəbələ”-“Qarabağ” oyununun hazırlıqlarını davam etdirir.
Korner.az-ın klubun saytına istinadən verdiyi məlumata görə, Yuri Syominin başçılığı ilə keçirilən hazırlıq prosesində kollektiv tam heyətlə iştirak edir.
Hazırda bərpa prosesi keçən Nuran Qurbanov komandadan ayrı çalışır.
Xatırladaq ki, “Qəbələ”-“Qarabağ” matçı avqustun 25-i saat 18:00-da start götürəcək. Qarşılaşma “İdman Azərbaycan” telekanalı vasitəsilə canlı yayımlanacaq.