Türkiyədə təlim-məşq toplanışında olan “Qəbələ” bu gün hazırlıq çərçivəsində növbəti yoxlama matçına çıxıb.
Korner.az-ın məlumatına görə, Roman Qriqorçukun komandası Türkmənistan çempionatının yüksək liqasında mübarizə aparan “Altın Asır”la (Qızıl əsr) üz-üzə gəlib. Qarşılaşma heç-heçə başa çatıb.
Qeyd edək ki, “Qəbələ” bundan öncə Antalyada PSV-nin (Hollandiya) ikinci komandası ilə qolsuz heç-heçə edib, Türkiyə “Əskişəhərspor”una 1:3, Rusiya “Kuban”ına 0:2 hesabı ilə uduzub. Roman Qriqorçukun yetirmələri “Vorskla”nı (Ukrayna) 2:1, “Adanaspor”u (Türkiyə) 3:2, “Haladaş”ı (Macarıstan) 2:0 hesabı ilə məğlub edib.
