“Qəbələ”dən yeni transfer
04.07.2023 , 19:09
![](https://korner.az/wp-content/uploads/2023/07/E9EAEEB3-7DD0-4211-81C0-C4D8EA493B5F.jpeg)
2023-2024-cü illər mövsümünün hazırlıqlarını davam etdirən “Qəbələ” heyətinə yeni futbolçu qatıb.
Korner.az xəbər verir ki, “qırmızı-qaralar” Osama Xalailanın transferini gerçəkləşdirib. 25 yaşlı israilli hücumçu ilə 1+1 illik müqavilə imzalanıb. Bu barədə klubun rəsmi saytı məlumat yayıb.
Osama peşəkar karyerasına “Bney Saxnin”də başlayıb. 2017-21-ci illərdə bu klubda çıxış etdikdən sonra forvard Təl-Əviv “Makkabi”sinə keçib. O, ötən ilin yayında Bney Reyneh “Makkabi”sinə icarəyə verilib.
İsrailin U-18, U-19 və U-21 yığmalarında oynamış Osama əsas millidə də forma geyinib. O, 2021-ci ildə bu komandada debüt edib.
![](https://korner.az/wp-content/uploads/2018/06/korner-logo.png)