“Neftçi” Premyer Liqanın turnir cədvəlində 3-cü pillədə qərarlaşsa da, vərəqə baxımından elita iştirakçılarının hamısını geridə qoyub.
Korner.az-ın məluatına görə, paytaxt klubunun futbolçuları cari mövsüm çempionat oyunlarında 93 sarı, 5 qırmızı vərəqə ilə cəzalanıb.
Məhz bu mənada “ağ-qaralar” bütün rəqiblərini qabaqlayır. Görünür, komandada intizam məsələləri ya lazımınca tənzimlənmir, ya da bu məqama, ümumiyyətlə, fikir verilmir.
Bu arada, “Neftçi”nin ən intizamsız futbolçusu Karlos Kardosodur. Braziliyalı 11 dəfə sarı vərəqə alıbsa, iki dəfə də komandasını azlıqda qoyub. İlk “üçlük”də Elvin Yunuszadə və Erik Ramos qərarlaşıb. Onların aktivində müvafiq olaraq, 10 və 9 sarı vərəqə var.
Mənbə: “Futbol plus” qəzeti
