Azərbaycan Peşəkar Futbol Liqası beynəlxalq əlaqələrini genişləndirir.
Korner.az-ın məlumatına görə, Ramin Musayevin prezidenti olduğu qurum Rusiya Futbol Premyer Liqası (RFPL) ilə əməkdaşlıq edəcək.
Bunu şimallıların ən yüksək liqasının rəhbəri Sergey Pryadkin açıqlayıb.
Futbol funksioneri Qazaxıstan Peşəkar Futbol Liqası ilə əməkdaşlıq barədə sazişin imzalanmasından sonra gələcək planları açıqlayıb: “Bu memorandum sonuncu deyil. Növbəti ölkələr Moldova, Belarus, Azərbaycan və Ermənistan olacaq”.
Pryadkin bildirib ki, Qazaxıstan və Rusiya klublarının iştirakı ilə mini-turnirin keçirilməsi də planlaşdırılıb. UEFA təqviminin sıxlığı üzündən bu yarış toplanış dövründə keçiriləcək. Onun istədiyi baş tutsa və ölkəmizlə də müqavilə imzalansa, gələcəkdə Azərbaycan klublarının da belə turnirlərdə oynaması gözlənilir.(apasport)
