Bu gün çempionlar Liqasının II təsnifat mərhələsinin ilk oyunu çərçivəsində Bakıda “Neftçi”nin qonağı olacaq Albaniya çempionu “Skenderbeu”nun hücumçusu Pero Pejiç yerli “Sport Panaroma” qəzetinə müsahibə verib
– Pero, sən o futbolçulardansan ki, beynəlxalq oyunlarda təcrübən var. Çempionlar Liqası və Avropa Liqası kimi turnirləri necə dəyərləndirərdin?
– Bu bir faktdır ki, Çempionlar Liqası digər oyunlardan fərqlənir. Burada son dərəcədə məsuliyyətli olmalısan, çünki xırda bir səhv hər şeyi həll edə bilər. Həmçinin bir şeyi də unutmaq olmaz ki, Çempionlar Liqasındakı rəqiblər də öz səviyyələrinə görə fərqlənirlər.
– “Neftçi” ilə oyuna artıq saatlar qalıb. Komandada hansısa həyəcan başlamayıb ki?
Bu cür vəziyyətlərdə emosiyasız keçinmək mümkün deyil. Yalnız Çempionlar Liqasının himni çalınanda sakitliyi təmin edə bilirsən. Bunu eşitmək çox xoşdur. Amma açığını deyim ki, bütün komandada super motivasiya hökm sürür. Hamı hər şeyi etməyə hazırdır ki, bu mərhələni keçək.
– İlk oyunda yəqin ki qapaılı futbol oynamağı düşünürsünüz…
– Əvvəllər də demişəm ki, iki oyunda rəqiblə üz-üzə gələcəyik. Ona görə də ilk andan bütünlüklə qapanmaq doğru olmazdı. Bilirik ki, bizi çox ağır oyun gözləyir. Rəqib də güclüdür. Ona görə də imkanlardan 120 faiz istifadə etmək lazımdır.
– “Neftçi” güclü komandadır. Rəqibin hansı nöqtələrinin ən güclü və ən zəif hesab edirsən?
– “Neftçi” son illərdi Azərbaycan çempionatında dominantlıq edir. Təbii ki, rəqibi ətraflı təhlil edib öyrənmişik. Komanda olaraq, kollektiv olaraq, daha çox güclü gözə çarpılırlar. Zəif cəhətlərinə gəlincə, müdafiə xəttində ciddi problemləri var.
– Bu amili siz hücumçular üçün müsbət saymaq olar?
– Mən bunu dəfələrlə demişəm ki, futbol kollektiv oyundur bu, tennis deyil ki. Əgər meydançada olan 11 nəfərin hamısı bir-birinə kömək etsə nəticədə də yaxşı olar.
