Londonda keçirilən 30-cu Yay Olimpiya oyunlarında qızıl medal qazanmış Türkiyə taekvondoçusu Sərvət Tazegül radara düşüb. Korner.az-ın məlumatına görə, bu haqda idmançının özü yerli mətbuata açıqlama verərəkən deyib.
Konya şəhərində tədbirlərin birinə dəvətli olan taekvandoçu avtomobilini sürətlə idarə edib. Nəticədə 160 km saat sürətlə 2 dəfə radara düşüb. Bu zaman isə polislər Sərvəti saxlamalı olublar və idmançıya 638 lirə (təxminən 300 manat) cərimə kəsiblər.
Qeyd edək ki, Sərvət Tazegül 68 kq çəki dərəcəsində olimpiya çempionluğundan əlavə, dünya və 3 qat Avropa çempionu olub. O, Qarsda yaşayan azərbaycanlı ailəsində dünyaya gəlib.
