“Bakı”nın hücumçusu Marius Pena Rumıniya mətbuatına müsahibə verib.
– Marius, siz artıq altı oyunda beş qol vurmağa nail olmusuz. Bu, Azərbaycan çempionatına uyğunlaşdığınızın göstəricisidi?
– Düşünürəm ki, hə. Çox şadam ki, belə tez uyğunlaşa bildim. Bu işdə mənə futbolçular, məşqçilər, hamı dəstək oldu. Mən komandaya artıq mövsümün ikinci hissəsinə hazırlıqları tamamlayan dövrdə getdim. Bu üzdən ümumi ritmə uyğunlaşmaq üçün çox az vaxtım oldu. Amma Allaha şükür ki, bu, mənə əlavə çətinliklər yaratmadı.
– Həmkarlarınızla necə ünsiyyət qürursuz? Xüsusilə də yerli futbolçularla?
– (gülür) Bu, çox çətindi. Burdakı uşaqlar daha çox rus, ispan və ingilis dilində danışırlar. Mən özüm rusca azca bilirəm. Fikrimcə, bir az serb və ispan dillərini öyrənə bilsəm, hər şey qaydasına düşəcək.
– Azərbaycan və Rumıniya futbolu arasında nə kimi fərqləri qeyd edə bilərsiz?
– Çoxdu. Hazırda Rumıniya çempionatı daha güclüdü. Amma Azərbaycan futbolu da sürətlə inkişaf edir. Yaxın gələcəkdə bu ölkənin futbolunda böyük uğurlar olacaq. Klublar özlərinə bazalar tikirlər, infrastrukturu yaxşılaşdırırlar. Onlar tərifəlayiqdilər.
– Rumıniyanı tərk etdiyinizə görə heyfsilənmirsiz?
– Futbolçu həyatı belədi ki, dəyişikliklər qaçılmazdı. İrəli baxmaq lazımdı.
– Azərbaycandakı həyatınız necə keçir?
– Xüsusi dəyişiklik olduğunu deməzdim.
– “Otelul”a qayıtmağınız mümkündü?
– Buna ümid edirəm. Amma indi yox. Bir neçə il ölkə xaricində oynamaq istəyirəm.
– “Styaua”nın sizinlə maraqlanması barədə xəbərlər doğrudu?
– Mənimlə bu klubdan heç kim rəsmi şəkildə danışıqlar aparmayıb. Bildiyimə görə, klubun rəhbəri Bekali bir neçə dəfə məni komandasında görmək istəyib. Amma baş məşqçi bunun əleyhinə olub.
– Qarşınızda “Styaua” və Azərbaycana variantı olsaydı, hansını seçərdiniz?
– Karyera baxımından təbii ki, “Styaua” daha yaxşı variantdı. Amma maliyyə cəhətdən “Bakı” variantını üstün tutardım. Lakin düzünü deyim ki, belə bir seçim qarşısında qalsaydım, hansını seçəcəyimi bilmirəm. İndi bu haqda danışmaq çətindi.
