"Rəvan” çempionatın qalan bölümünə hazırlıqlarını davam etdirir. Ötən gün komanda 2 məşqə çıxıb.
Korner.az-ın məlumatına görə, səhər hazırlığında futbolçular daha çox fiziki məşğələlərə üstünlük verib. Fiziki hazırlıq üzrə məşqçi Rastislav Svitskinin nəzarətdə saxladığı məşqdə oyunçuların çatışmayan cəhətləri üzərində ciddi işləməsi daha çox diqqət çəkib. Təxminən 1 saatlıq hazırlıqdan sonar futbolçular istirahətə buraxılıb.
Saat 16:00-da komanda günün ikinci məşqinə çıxıb. Bu dəfə futbolçular ənənəvi isinmə hərəkətlərindən sonra daha çox topu özündə saxlama, topa sahibolma, standart vəziyyətlər və qapıya zərbələr üzərində işləyib.
"Rəvan" bayram günlərində də məşqlərə ara verməyəcək. Özü də gündə 2 dəfə hazırlıq keçəcəklər. Martın 23-də isə "Rəvan” yoldaşlıq oyunu keçirəcək. Rəqib əvvəlcədən gözlənildiyi kimi "Neftçi” yox, "Bakı” olacaq.
