Braziliyalı Neymarın “Barselona”ya transferinə görə İspaniyada qalmaqal baş verib.
Korner.az-ın xarici KİV-lərə istinadən yaydığı xəbərə əsasən, Kataloniya klubunun müxalif yönlü nümayəndəsi Xordi Kases iddia edib ki, Neymarın transferi zamanı klubun prezidenti Sandro Rosel qanunsuz olaraq 40 milyon avro mənimsəyib.
İspaniya mətbuatının yazıdığına görə, bu ittihamlardan sonra prokurorluq araşdırmaya başlayıb. Bu zaman məlum olub ki, Neymar “Barselona”ya rəsmən elan olunduğu 57 milyon avroya deyil, 97 milyon avroya transfer edilib. Bu fakt futbolçunun müqaviləsində də təsdiqini tapıb.
Beləliklə, Neymar “Barselona”nın tarixində ən yüksək məbləğə transfer edilən futbolçu olub.