"Neftçi"nin Avropa Liqasındakı rəqibi Rusiyanın "Rubin" klubunun müdafiəçisi Sesar Navas sərt cəzalandırılıb.
Korner.az-ın məlumatına görə, Rusiya Premyer Liqasının XI tur matçında “Amkar”ın futbolçusu Martin Yakubkoya qarşı bilərəkdən kobud oynayan Navas hücumçunun sifətinə dizi ilə zərbə endirərək, onun çənəsini sındırıb.
Rusiya Futbol İttifaqının (RFİ) Nizam-İntizam Komitəsi “Rubin”in futbolçusunu 7 oyunluq diskvalifikasiya edib.
Qeyd edək ki, “Rubin” rəhbərliyinin də Sesar Navası cəzalandırıb-cəzalandırmayacağı bilinmir. Bu hal baş versə, Navas Kazan komandasının “Neftçi” ilə oktyabrın 25-də keçirəcəyi Avropa Liqası matçını buraxacaq.
