Avropa liqası

“Neftçi”nin rəqibinin gənc oyunçusu: “İnter” mənim xəyallarımın klubudu”

12.09.2012 , 21:06

"Neftçi"nin Avroliqanın qrup mərhələsindəki rəqibi "İnter"in braziliyalı müdafiəçisi Xuan Xesus komandasının A Seriyasının son turunda "Roma"ya 1:3 hesablı məğlubiyyətinə baxmayaraq, yenidən toparlana biləcəyinə ümid edir.

Korner.az xarici KİV-ə istinadən xəbər verir ki, Xesus Milan klubunda həmyerliləri kimi tarix yazmaq istədiyini bildirib.

"Son turda uduzsaq da. inanıram ki, tezliklə qələbələri sıralamağa başlayacağıq. Mən burda Maykon kimi, Xulio Sezar kimi xatırlanmaq istəyirəm. Buraya gələndən sonra əmin oldum ki, "İnter" mənim xəyallarımın klubudu. Şadam ki, baş məşqçimiz Andrea Stramaççioni olimpiadadan dərhal sonra məni komandaya dəvət etdi. Baxmayaraq ki, bu, mənə yay tətilini itirmək bahasına başa gəldi".

Qeyd edək ki, Londonda keçirilən Yay Olimpiya oyunlarında Braziliya millisinin şərəfini qoruyan və gümüş medal qazanan Xuan Xesus öz ölkəsinin "İnternasional" klubundan bu yay transfer olunub. O, artıq Milan təmsilçisinin heyətində Avroliqanın iki oyununa çıxıb.

Son yazılar

Yuxarı