Neftçi” Premyer Liqanın XXV turunda “Qarabağ”la (1:2) keçirilmiş oyunda hakimin verdiyi qərarlarla bağlı video yayımlayıb.
Korner.az-ın məlumatına görə, paytaxt klubu bildirir ki, aşağıdakı epizodlarda qərəzli məqamlar var:
"Matçın 3-cü dəqiqəsində rəqib futbolçu Flavinyoya qarşı çox sərt davransa da, baş hakim Rəhim Həsənov şifahi xəbərdarlıqla kifayətlənir.
7-ci dəqiqədə Mahir Şükürov rəqibindən topu qaydalar çərçivəsində alsa da, hakim bunu qayda pozuntusu kimi qiymətləndirir.
20-ci dəqiqədə Flavinyoya qarşı edilmiş kobudluq nəticəsində “Neftçi”nin hücumunun qarşısı alınır. Rəhim Həsənov bu dəfə də vərəqəyə əl atmır. Bu epizoddan bir qədər sonra Emeka Opara İqor Mitreskiyə qarşı növbəti qayda pozuntusuna yol verir.
36-cı dəqiqədə eyni kobudluq Julius Vobaya qarşı edilsə də, rəqib futbolçu yenə cəzalandırılmır.
46-cı dəqiqədə “Qarabağ”ın futbolçusu yerə yıxılarkən əllə açıq-aşkar ötürmə edir. Rəhim Həsənov bu məqamı da görmür.
58-ci dəqiqədə Flavinyoya qarşı kobudluğa görə Qara Qarayevə sarı vərəqə göstərilir. Oxşar vəziyyətdə Əfran İsmayılov "ağ-qaralar"ın oyunçusuna qarşı qaydalara zidd davransa da, ona ikinci sarı vərəqə göstərilmir.
Oyun boyu sistematik şəkildə kobud qayda pozuntularına yol verən Riçard Almeyda yalnız 66-cı dəqiqədə sarı vərəqə alır. Baxmayaraq ki, bu, futbolçunun 2-ci sarı vərəqəsi olmalı idi".
Həmin epizodları təqdim edirik.
