“Neftçi” “Xəzər Lənkəran”la oyunun hazırlıqlarını davam etdirir.
Korner.az-ın məlumatına görə, paytaxt klubu “Böyük oyun”da tam heyətlə oynamayacaq.
Belə ki, baş məşqçi Böyükağa Hacıyev Ruslan Qurbanov və Elvin Yunuszadənin xidmətindən yararlana bilməyəcək. Buna səbəb hər iki futbolçunun cəzalı olmasıdı.
Qeyd edək ki, Elvin Premyer Liqanın XVIII turunda kobud oyuna görə birbaşa qırmızı vərəqə aldığından 2 oyunluq cəzalandırıb. “Simurq”la oyunu buraxan müdafiəçi “Xəzər Lənkəran”la matçda cəzasını tamamlayacaq. Ruslan isə “Sumqayıt”da oynadığı vaxt – XVI turun “Bakı” ilə oyununda hakimi təhqir etdiyinə görə birbaşa qırmızı vərəqə alaraq 4 oyunluq cəzalandırılmışdı. “Sumqayıt”ın heyətində “İnter” və “Xəzər Lənkəran”la görüşləri kənardan izləyən hücumçu “Neftçi” ilə “Simurq”a qarşı da oynamayıb. XX turda Rsulanın cəzası bitəcək.
