"Neftçi" Veteranlar Klubu iyulun 17-də keçirəcək "Neftçi" – "Zestafoni" qarşılaşması ilə bağlı bəyanat yayıb. Korner.az-ın məlumatına görə, Veteranlar klubunun prezidenti Səməd Qurbanov bütün azarkşləri stadiona dəvət edib:
"Azərbaycan futbol tarixinin ən şanlı səhifələri məhz "Neftçi"nin adı ilə bağlıdır. 75 illik tarixə malik Flaqman qazandığı uğurlarla futbolsevərlərimizin ürəyinə yol tapıb. Son iki mövsümdə çempion olmaqla tarixi əzəmətini qaytaran "Neftçi"dən Çempionlar Liqasında da uğurlu çıxış gözləyirik. "Neftçi" Veteranları olaraq biz hər zaman komandamızın yanında olmuşuq və 17.07.2012 tarixində baş tutacaq "Neftçi" – "Zestafoni" matçında da stadiona gələrək flaqmanı dəstəkləyəcəyik.
İnanırıq ki, bizimlə yanaşı futbolumuzu sevən, ürəyi "Neftçi" ilə döyünən minlərlə azarkeş həmin gün öz sevimli komandasını tək qoymayacaq. On ikinci oyunçu hesab edilən azarkeşlərin də dəstəyi ilə "Neftçi" Çempionlar Liqasında mərhələ adlayacaq".