Avropa Liqasının I təsnifat mərhələsində "Trans" komandasını üstələməklə növbəti mərhələyə vəsiqə qazanan "İnter" klubu bir günlük istirahət edib.
Korner.az-ın klubun rəsmi saytına istinadən verdiyi məlumata görə, komanda bu gündən etibarən "Asteras" (Tripolis) oyunun hazırlığına start verib.
Kaxaber Sxadadzenin komandası məşq prosesini "Şəfa" stadionunun trenajor zalında açıb. Sabah isə "İnter" "Dalğa Arena" stadionunda ikinci məşqinə çıxacaq.
Qeyd edək ki, "İnter" – "Asteras Tripolis" matçı iyulun 19-da baş tutacaq. Görüş saat 21:00-da başlayacaq. Qarşılaşmanın baş hakimi isə danimarkalı Lars Kristoffersen olacaq.
