.jpg)
"Partizan" nümunəsi…
Dekabrın 6-da Avropa Liqasının qrup mərhələsi çərçivəsində "San Siro"da "İnter"lə qarşılaşacaq "Neftçi" İtaliyaya azarkeş aparmır.
Bu barədə Korner.az-a açıqlamasında klubun mətbuat xidmətinin rəhbəri Gündüz Abbaszadə məlumat verib.
"Ağ-qaralar"ın rəsmisi bununla bağlı belə deyib:
"Biz qarşı tərəfdən azarkeşlər üçün bilet istəməmişik. Çünki İtaliyaya azarkeş aparmayacağıq. Onların şərtləri çox ağırdı. Burada azarkeş üçün viza, şəkil, pasport və s. lazımdı. Biz nə ora azarkeş aparırıq, nə də stadiona gələcək azarkeşlərin təhlükəsizliyinə təminat veririk. Kim "Neftçi"ni dəstəkləmək istəyir, kassalara yaxınlaşıb, bilet ala bilər. Avropanın bir çox yerindən azərbaycanlı azarkeşlər Milana, "Neftçi"ni dəstəkləməyə gələcək".
Qeyd edək ki, bir neçə gündü Polşada təhsil alan azərbaycanlı tələbələr oyunu izləmək üçün "Neftçi" tərəfindən bilet istədiklərini, lakin eyni sözlərin onlara deməsini saytımıza bildiriblər.
Xatırladaq ki, flaqmanla eyni qrupda mübarizə aparan "Partizan" Milana xeyli sayda azarkeş aparmış və İtaliyaya digər ölkələrdən gələn serb azarkeşləri biletlə təmin etmişdi.
