Topaz Premyer Liqasının 7-ci turunda “İnter”lə “Bakı” qarşılaşdı.
Korner.az-ın AFFA-ya istinadən verdiyi məlumata görə, hərəyə iki dəfə fərqlənən tərəflər paytaxt derbisində 1 xalla kifayətlənməli oldular – 2:2.
Milinko Pantiç, “Bakı” klubunun baş məşqçisi: “Rəqib oyuna üç mərkəz müdafiəçi ilə başlamışdı. Oyuna tam nəzarət edirdik, erkən qol vurduq. Müdafiədə buraxdığımız bir səhv qapımıza qolla nəticələndi. Yenidən hesabda irəli çıxsaq da, oyunun sonlarına yaxın qapımızdan ikinci qolu buraxdıq. Qalib gələ bilərdik, qol imkanlarımız çox oldu. Mənim üçün bu heç-heçə məğlubiyyətə bərabərdir. İki xal itirdiyimizi düşünürəm. İtirdiyimiz xalları qarşıdakı oyunlarda bərpa etməyə çalışacağıq”.
Zaur Svanadze, “İnter” klubunun məşqçisi: “Sona kimi gərgin oyun oldu. Nəticənin necə olacağını təxmin etmək mümkün deyildi. İlk hissədə yaxşı oynamadıq, fasilədə isə baş məşqçimiz taktiki dəyişiklik etdi və bundan sonra yaxşı oynadıq. Bu oyun bizim üçün dönüş nöqtəsi olacaq, xalları qazanmağa davam edəcəyik. Heç-heçə bizə çox lazım idi”.
