"Xəzər Lənkəran" yeni baş məşqçisi Mustafa Dənizlini ictimiyyətə təqdim edir.
Korner.az-ın məlumatına görə, türk mütəxəssis jurnalistlərin önünə çıxıb.
Təqdimatdan olan ən son xəbərləri sizə çatdırmağa davam edəcəyik.
* * *
Mustafa Dənizli sözlərinə belə başlayıb: "Bura gəlməyimdə əsas məqsəd klubun bazasını və idarəçilərini tanımağımdı.
Mübariz Mənsimov İstanbuldan da tanıdığım dəyərli bir şəxsiyyətdi. Onun Köməkçisi Alaattin bəy mən "Beşiktaş"da çalışarkən klubun idarə heyətində idi."
Daha sonra Dənizli qey edib ki: "Əsas komandayla yanaşı "alt yapı"nı da formalaşdırmağa çalışacağıq. Komandanı hələ yaxşı tanımıram. Ancaq zamanla dəyişikliklər edəcəyik. Uzun müddətdən sonra bakıya gəlmişəm, lakin küçəyə çıxanda elə təəssürat yarandı ki, sanki neçə illərdi burdayam".
"Türkiyədə legioner limitiylə əlaqədar olaraq heyətə düşə bilməyən. Adaptasiya məsələsini rahat aşa biləcək oyunçuları araşdıracağıq".
* * *
"Premyer Liqadakı növbəti 3 oyundan sonra gələcəyə dair planlarımızı qurmağa başlayacağıq. "Xəzər Lənkəran"dakı tez-tez baş məşqçi dəyişiklikləri məni narahat etmir. Buna Türkyədə də artıq alışmışıq".
* * *
"Hədəf çempionluqdusa, qurulan strategiya və heyət çox önəmlidi. Komandanı çempion etmək hamının istədiyi bir şeydi. Amma bu təkcə bizdən asılı bir şey deyil. Ümid edirəm ki, turnir cədvəlində daha da yuxarı qalxacağıq. Əsas hədəfimiz ilk üçlükdü. Ora düşsək, çempionluq haqda danışa bilərik. 6 milyon alacağım xəbəri həm məni, həm də ailəmi təəccübləndirdi. O pulu heç Türkiyədə verməzlər. İnşallah, bu mövsüm muzeyimizə bir kubok apararıq."
* * *
"Mən burda özümü xarici kimi görmürəm. Toşakın isə bu şansı yox idi. Klub rəhbərliyi ilə problem yaşaıyıbmı, bilmirəm, Açığı burda niyə uğur qazana bilmədiyini deyə bilmərəm".
