Azərbaycan kubokunda mübarizə aparan “Qəbələ” klubu tarixində ilk dəfə olaraq finala vəsiqə qazanıb.
Korner.az-ın məlumatına görə, kubokun yarımfinal mərhələsində “Xəzər Lənkəran”la 1:1 hesablı heç-heçə edən “Qəbələ” hər iki oyunun nəticəsinə görəfinala keçən tərəf olub.
İlk oyunda 3:0 hesabıyla “Qəbələ”yə məğlub olan “Xəzər Lənkəran”ın baş məşqçisi Mustafa Dənizli oyundan sonra mətbuat konfransında açıqlama verib: “Kubokla vidalaşdıq, bu bizim üçün intihar etmək kimidir. Mövsümün ən baxımlı, sürətli başlanğıcını oynadıq. Lakin buraxılan səhv qapımıza qolla nəticələndi. Oyunun əvvəlindən yüksək templə oynamağımız nəticə versə idi, nəyəsə ümid edə bilərdik. Risk etməliydik, amma alınmadı. Futbolçuları mən seçmişəm, heç kim “ bu və ya digər futbolçunu heyətə gətirməliyik” sözünü mənə deməyib”.