“Çelsi”nin baş məşqçisi Joze Mourinyo komandasının “Everton”a 0:1 hesablı məğlubiyyətini özünəməxsus şəkildə şərh edib.
Korner.az-ın məlumatına görə, Mourinyo futbolçularında qatil instinktinin çatışmadığını bildirib.
“Qol şanslarımız çox idi, vura bilmədik. Qol vura bilmirsənsə, yaratdığın epizodların mənası yoxdu. Hücumlarımız kəsərli alınırdı, sadəcə futbolçularımda qatil instinkti çatışmırdı. Samuel Eto’O karyerası boyu “killer” olub. Onun bugünkü bəzi hərəkətləri məni sevindirdi. Bu gün yaratdığımız epizodlardan yaralana bilmədik və uduzduq. Deməli, bir gün biz haqq etmədiyimiz hansısa oyunda udacağıq”, – deyə o bildirib.