“Dörd ölkənin çempionundan təşkil olunmuş qrupdur. Bizim üçün çətin olacaq. Fəxr edirik ki, ardıcıl ikinci dəfə Avropamiqyaslı turnirin qrupunda oynayırıq”
Korner.az-ın Fransa mətbuatına istinadən yaydığı xəbərə görə, bu sözləri “Monako”nun vitse-prezidenti Vadim Vasilyev Avropa Liqasının qrup mərhələsinin püşkünü dəyərləndirərkən deyib.
O, bu qrupdan çıxmaq imkanlarının olduğunu da bildirib.
Qeyd edək ki, “Monako” Avropa Liqasının J qrupunda “Qarabağ” “Tottenhem”, “Anderlext” klubları ilə mübarizə aparacaq.
