"Mən Kiyevdəki oyundan sonra da demişdim ki, "Qarabağ" təşkilatlanmış komandadır".
Korner.az-ın məlumatına əsasən bu sözləri "Dnepr"in baş məşqçisi Miron Markeviç "Qarabağ"-"Dnepr" matçından sonra keçirilən mətbuat konfransında deyib.
"Hətta Çempionlar Liqasında bəxtləri gətirməmişdi. Sadəcə biz bu gün Kiyevdəkindən yaxşı oynadıq. Təəssüf ki, ilk oyunu Dnepropetrovskda keçirməyə icazə vermədilər. Hətta Lvova da yox dedilər. Kiyevdəki Olimpiya stadionu 70 minlikdi, oyuna isə 3 min azarkeş gəlir. Belə oyunlar beynəlxalq yox, yoldaşlıq oyunudur. Kiyevdəki matçdan sonra demişdim ki, biz rəqibə oyunda uduzduq. Bu görüşdə isə rəqibi oyunda udduq. İkinci qolu təsadüf adlandırmazdım. Bizim daha 3 yüzfaizlik epizodumuz oldu. "Qarabağ" hələ Avropada təcrübəsizdir. Bu cür davam etsələr, uğurlar özünü gözlətməyəcək", – deyə Markoviç bildirib.
