"Qarabağ"la 10 xal fərqimiz var, amma hələ heç nə bitməyib".
Korner.az-ın məlumatına görə, bu sözləri "Neftçi" – "Xəzər Lənkəran" (1:0) oyunundan sonra mətbuata açıqlama verən paytaxt klubunun futbolçusu Mirhüseyn Seyidov deyib.
Seyidov açıqlamada bunları da dilə gətirib: "Düzdü hesab 1-0 oldu. Amma birinci hissədəki qol vəziyyətlərindən istifadə etsəydik, hesab 2-0, 3-0 olardı. Amma əsas olan 3 xaldır, onu da qazandıq. Penalti epizoduna yaxın idim. Mənə elə gəlir ki, penalti var idi. Amma hakimin qərarı başqa cür oldu. Məncə, həmin epizod 70% penalti idi. "Qarabağ"la sona kimi mübarizə aparacağıq. Çempion olsaq da, olmasaq da əsas odur ki, avrokuboklarda vətənimizi layiqincə təmsil edək. "Qarabağ" çempion olsa təbrik edənlərdən biri biz olarıq. 2000 azarkeş stadiona buraxılmadı. Bilmirəm polislər niyə belə elədi. Yəqin ki, bunu AFFA araşdıracaq"