Millimizin üzvü Almaniyada ən yaxşı adına layiq görüldü
28.09.2018 , 19:29
Almaniya III Bundesliqa təmsilçisi “Proyssen”də çıxış edən millimizin sabiq üzvü Rüfət Dadaşov çempionatda həftənin ən yaxşı futbolçusu seçilib.
27 yaşlı forvard azarkeşlərin qatıldığı səsvermədə qalib olub. Dadaşov 5 min 500 səsin 37 faizini yığaraq, hamını qabaqlayıb. Bununla da, o, həftənin ən yaxşısı seçilib.
Qeyd edək ki, Rüfət Dadaşov 9-cu turda “Hanza” ilə matçda het-trik etmişdi. Rüfət cari mövsüm 9 oyuna 5 qol vurub.