AFFA və AccessBank-ın 17 yaşadək futbolçulardan ibarət yığma komandalar arasında birgə təşkil etdiyi II Caspian Cup beynəlxalq turnirinin final matçı canlı yayımlanacaq.
Korner.az-ın məlumatına görə, bu gün AFFA Futbol Mərkəzindəki “Dalğa Arena”da, saat 19:30-da Azərbaycan və Gürcüstan yığmaları arasında keçiriləcək həlledici qarşılaşma birbaşa nümayiş olunacaq.
Oyun və qarşılaşma başa çatdıqdan sonra mükafatlandırma mərasimi “İdman Azərbaycan” kanalı və affatv.az saytı vasitəsilə göstəriləcək.
Mənbə: affa.az
