Bu gün Azərbaycanın 19 yaşlılardan ibarət millisi Latviyada keçirilən “Federasiya kuboku” turnirində növbəti oyununu keçirib.
Korner.az-ın məlumatına görə, millimiz Finlandiya yığması ilə qarşılaşmada 3:2 hesabı ilə məğlub olub.
Oyunda hesabı futbolçularımız açsa da, görüşün sonunda sevinən komanda Finlandiya olub. Belə ki, qapısından 3 top buraxan millimiz Elnur Cəfərovun dublu sayəsində minimal hesabla məğlub olub.
Qeyd edək ki, bundan əvvəlki oyunda Ukraynanın 19 yaşlıları millimizi 2:1 hesabı ilə məğlub etmişdi. Hal-hazırda komandamız turnirdə sonuncu pillədədir.
