Almaniya millisinin baş məşqçisi Yoahim Löv Çili ilə yoxlama görüşündə fitə basılan Məsut Özilə dəstək olub.
Korner.az-ın məlumatına görə, Löv oyundan sonra jurnalistlərə açıqlamasında Özilin dünya çempionatına qədər formasını bərpa edəcəyinə əmin olduğunu bildirib:
“Özil üçün yeni mövqe axtarmağıma ehtiyac yoxdur. O meydanda nə etdiyini yaxşı bilir. Dünya çempionatına qədər onun lazımi forma yığacağına əminəm. Sadəcə onun zamana ehtiyacı var”.
Qeyd edək ki, Özil Çili ilə yoldaşlıq görüşündə (1:0) əvəzlənərkən yerli azarkeşlər tərəfindən fitə basılmışdı.