Futbol üzrə milli komandamızın sabiq baş məşqçisi Karlos Alberto Torres Braziliya millisindən qovulan Mano Menezi müdafiə edib.
Korner.az-ın "Goal.com"a istinadən verdiyi məlumata görə, 2012-ci ildə bu ölkədə keçiriləcək dünya çempionatına daha yaxşı hazırlaşmaq və uğurlu nəticələr qazanmaq üçün Federasiya tərəfindən Menezin millidən uzaqlaşdırılmasını yanlı addım kimi dəyətləndirib:
"Braziliyalı olmasaydım və ya futbolda işlərin necə irəlilədiyini bilməsəydim bu qərara təəccüblənərdim. Qərarın Federasiya tərəfindən daha öncə alındığını fikirləşirəm. Ancaq Argentinanı səfərdə məğlub etdikdən sonra bu qərarın verməsi gözlənilməz idi".
53 dəfə Braziliya millisinin formasını geyinən Karlos Alberto Torres əcnəbi baş məşqçinin milli komandaya gətiriləməsinin əleyhinə olmadığını bildirib:
"Bu millinin başına əcnəbi baş məşqçinin gətirilməsinin əleyhinə deyiləm. Əcnəbi baş məşqçilərin yeni metodlara gətirəcəyini, Əcnəbi məşqçilərin komandaya yeni metod, fərqli düşüncələr gətirəcəyinə əminəm. Bu baxımdan Qvardiola Braziliya millisinə gətirilməlidir. Doğrudur, onun Braziliya millisində uğur qazanması uzun zaman ala bilər. Ancaq bu planı DÇ-2018-ə qədər həyata keçirmək olar. Bir əcnəbi məşqçinin milliyə çox şey qazandıracağına inanıram".
Qeyd edək ki, Braziliya millisində dünya çempionu olmuş Torres 2004-2005-ci illərdə Azərbaycan milli komandasını çalışdırıb.
