“Barselona”nın futbolçusu Lionel Messi Çempionlar Liqasının final oyunu barədə fikirlərini bildirib.
Korner.az-ın məlumatına görə, o, mayın 28-i Milanda keçiriləcək həlledici görüşdə “Atletiko”nun qələbə qazanmasını istədiyini deyib:
“Barselona”da heç kəs “Real”ın kubok qazanmasını istəmir. “Atletiko”nun Çempionlar Liqasındakı zəfəri bizi sevindirər. Bu komanda bu mövsüm yaxşı işlər görür. “Atletiko” güclü rəqibdir və onları məğlub etmək asan deyil. Baş məşqçi Dieqo Simeone və futbolçuları uğur qazanmağa layiqdirlər”.
