Avroliqanın I təsnifat mərhələsi çərçivəsində Bakıda “İnter”in qonağı olacaq “Mariehamn” klubunun baş məşqçisi Pekka Luski maraqlı fikirlər səsləndirib.
Korner.az-ın məlumjatına görə, 59 yaşlı mütəxəssis Bakıda “İnter”ə qol vurmağa çalışacaqlarını bildirib:
“İnter” elə də texnikalı komanda deyil. Onlar əsasən yerlə oyuna üstünlük verirlər. Ancaq rəqibin cinah keçidləri çox təhlükəli olur. Əsasən də sol cinahları çox aktivdir. Bizi Bakıda həyəcanlı oyun gözləyir. “İnter” daha öncə də Avroliqada çıxış edib.
Ona görə rəqib bizdən daha təcrübəlidir ki, bu da onlar üçün əlavə üstünlük deməkdir. Sabahkı oyunda biz əsasən topu daha çox özümüzdə saxlamağa və ən azı bir qol vurmağa çalışacağıq. Ancaq bunu risk etmədən reallaşdırmaq istəyirik”.
Qeyd edək ki, “İnter” – “Mariehamn” matçı iyulun 4-də, saat 21:00-da başlayacaq.