“Dünya çempionatı haqda optimist düşünürəm. Qarşıdakı mundialdan müsbət gözləntilərim var. Millimizdə yaxşı nəsə alınmalıdı. Qrupumuza gəlincə, məni daha çox yığmamızın gücü maraqlandırır. Düşünürəm ki, Rusiya millisi dünya çempionatında istənilən qrupdan çıxa bilər”.
Korner.az-ın məlumatına görə, bu sözləri “Qəbələ”nin formasını geyinən Marat İzmaylov deyib.
Yenidən Rusiya millisinə qayıda biləcəyi ilə bağlı verilən sualı İzmaylov belə cavablandırıb: “Mən hər şeyə real yanaşıram. Bunun üçün mənim mütəmadi oyun praktikam olmalıdı. Məhz bunun sayəsində mən “Portu”ya qayıda bilərəm. Əgər orada yaxşı çıxış etsəm, o zaman yenidən Rusiya millisində oynamaq şansım yaranar”.