“Qəbələ”yə özüm üçün oynamağa yox, komandaya kömək etməyə gəlmişəm. Yeni komandamda Azərbaycan çempionu olmaq və kubokunu qazanmaq istəyir”.
Korner.az-ın məlumatına görə, bu sözləri “Qəbələ”nin “Portu”dan icarəyə götürdüyü Marat İzmayılov deyib.
“İTAR-TASS” agentliyinə açıqlama verən futbolçu fiziki cəhətdən onun üçün çətin olacağını bildirib: “Fiziki cəhətdən mənim üçün çətin olacaq. Çünki çox kökəlmişəm. “Qəbələ” ilə hələ bir neçə məşqə çıxmışam. Lakin üzərimdə işləyirəm və mümkün qədər tez formamı bərpa edəcəyimi düşünürəm”.
Marat “Qəbələ”yə keçidindən də danışıb: “Axşam Yuri Syomin mənə zəng etdi. Onun təklifinə düşünmədən razılıq verdim və artıq ertəsi günün səhəri Bakıya uçdum. 5 ay oynamamışam, düz-əməlli məşq etməmişəm. Düzdü, qəsdən etməmişəm, mənim problemlərim var idi. Futbol üçün darıxmışam. “Qəbələ”nin təklifi məni sevindirdi. Yuri Pavloviçə və klub rəhbərliyinə təşəkkür edirəm”.
İzmaylov Syominin karyerasında əhəmiyyətli yer tutduğunu da bildirib: “Böyük futbola onun rəhbərliyi altında gəlmişəm. Qayıdışım da onun rəhbərliyi altımda gerçəkləşir. Ümid edirəm ki, “Qəbələ”də daimi oyun praktikam olacaq və bunun sayəsində formamı bərpa edib “Portu”ya, öz ailəmə qayıdacam. Bilirəm ki, bu qədər kənarda qaldıqdan sonra “Portu”nun heyətinə düşmək həddən artıq çətindir. Orada rəqabət çox böyükdü. Nə agentim, nə də “Portu” mənə klub axtarırdı. Mən özüm problemlərimi həll edirdim. Klub da buna anlayışla yanaşırdı”.
