Dünya şahmat tacı uğrunda matçın qalibi müəyyənləşib.
Korner.az-ın məlumatına görə, Norveç şahmatçısı Maqnus Karlsen Sergey Karyakinə (Rusiya) qalib gələrək, dünya çempionu titulunu qoruyub.
Matçın 12 əsas partiyasında 6:6 hesablı heç-heçə qeydə alındığından qalib rapid partiyalarında müəyyənləşib.
İlk iki partiyada (25 dəqiqə vaxta nəzarət, 10 saniyə gediş üçün) heç-heçə qeydə alınıb. Üçüncü və dördüncü prtiyada Karlsen qələbəyə nail olub. Bununla da ümumi nəticədə 9:7 hesabı ilə qalib gələn Norveç qrossmeysteri dünya çempionu olub.
Bununla da Karlsen 600 min avro, Sergey Karyakin isə 400 min avro qazanıb. Norveçli qrossmeyster bu dəfə çempionluq tituluna 26 yaşının tamamlandığı gün sahib çıxıb.