“Mançester Siti”nin futbolçusu “Qalatasaray”ın gündəmində

Türkiyə super Liqasında mübarizə aparan “Qalatasaray” Vilfrid Bonini gündəminə alıb.

Korner.az-ın məlumatına görə, bu haqda “Fanatik” xəbər yayıb.

Mövsümü icarə əsasında “Stok Siti”də keçirən “Mançester Siti”nin hücumçusu üçün “Cim Bom”un futbol direktoru Cenk Ərgün danışıqlara başlayacaq.

İstanbul təmsilçisi afrikalı oyunçuya illik 2.5 milyon avro təklif edəcək. Bildirilir ki, “Mançester Siti”də gözdən düşən və “Stok Siti”də istədiyini əldə edə bilməyən Boni də yeni klubda oynamaq istəyir.