Türkiyədə təlim məşq toplantısında olan "Neftçi" nin müdafiəçisi Mahir Şükürov təlim-məşq toplantısı və dünən keçirdikləri oyun haqda müsahibə verib.
Korner.az həmin müsahibəni təqdim edir:
– Dünən baş tutan "Metallurq" la oyun haqda nə deyə bilərsən?
– Düzdü oyun maraqlı, həm də sərt şəkildə keçdi. Çox kobud oyun oynayırdılar. Qol epizodlarımız çox oldu amma vura bilmədik. Əsas odur ki, heç kəs zədələnmədi. Toplanışın bitməyinə iki gün qalib deyə bir az yorğunluq var amma buna dəyər. İnşallah ikinci dövrədə tam başqa “Neftçi” görəcəksiniz. Müdafiə yox hücum futbolu oynayan komanda olacağıq.
– Sabah daha bir oyun keçirəcəksiniz . Polşa təmsilçisinə qarşı. Bu oyundan nə gözləyirsən?
– Sabahkı oyuna çox ciddi hazırlaşırıq. Son oyunumuz olacaq deyə çalışacağıq ki, bu oyunda qalib gəlib vətənə yüksək əhval ruhiyədə qayıdaq.
– Turnir cədvəlində yeriniz elədə xoş deyil. Səncə bu mövsüm komanda minimum Avroliqaya vəsiqə qazanacaq?
– Qarşıda uzun marafon var. Üç xal elədə böyük fərq deyil. Biz hər zaman çempionluq uğrunda mübarizə aparmışıq bu il də aparacağıq. Azarkeşlərimiz əmin olsun ki, bu mövsüm də ən uzağı Avroliqada mübarizə aparacağıq.
Forza1937.com
