Türkiyədə təlim-məşq toplanışında olan “Rubin” bu gün növbəti yoxlama oyununu keçirib.
Korner.az-ın məlumatına görə, Kazan təmsilçisinin budəfəki rəqibi Almaniyanın ikinci divizion təmsilçisi “Paderborn” klubu olub. Qarşılaşmada hesabı 36-ci dəqiqədə “Rubin” açsa da, üstünlüyünü sonuna qədər qoruya bilməyib. Qalan dəqiqələrdə iki dəfə fərqlənən “Paderborn” yekun hesabda 2:1 hesabı ilə qalib gəlib.
Qeyd edək ki, qarşılaşmada millimizin futbolçusu Ruslan Abışov da iştirak edib. O, ikinci hissənin başlanğıcında oyuna girib.