Türkiyə Super Liqasında “Fənərbağça”ya məğlub olan “Qaziantepsor”un baş məşqçisi Sərgən Yalçın istefa verib.
Korner.az-ın məlumatına görə, bu barədə baş məşqçinin özü Türkiyə mətbuatına verdiyi açıqlamada deyib.
Sərgən Yalçın açıqlamada istefasının “Fənərbağça”ya məğlub olması ilə bağlı olmadığını da deyib: “Ayrılmağımın “Fənərbağça” məğlubiyyəti ilə əlaqəsi yoxdur. Onsuzda bu liqada “Fənərbağça” bizim rəqibimiz deyildi. Pis günümüzdə idik. Əlimizdən gələni etdik. “Qaziantepspor”a uğurlar arzulayıram. Bu gün etibarən klubla heç bir bağlılığım qalmadı. Bura gəldiyim gün klubun tutduğu yer və bu gün tutduğu yer göz qabağındadır. Komandamla birlikdə əlimizdən gələn hər şeyi etdik. Amma klubda böyük problemlər var. Mən də məqşçilik işində təcrübəli deyiləm. Artıq məşqçiliyi buraxmağı vəziyyətə uyğun sayıram”.
Qeyd edək ki, Sərgən Yalçın kluba gəldiyi gündən bəri 15 oyundan 8 qalibiyyət, 3 bərabərlik, 4 məğlubiyyət alaraq, 27 xal toplayıb və 16-cı pillədəki “Qaziantepspor”u 10-cu pilləyə yüksəltməyi bacarıb.
