İntizam Komitəsinin növbəti iclası keçirilib.
Korner.az sizi iclasda qəbul olunmuş qərarlarla tanış edir:
İntizam Komitəsi tərəfindən “Qaradağ Lökbatan” klubunun prezidenti Tahir Mustafayevin stadiona girişinə 10 oyunluq qadağa qoyulmuşdu. Lakin əldə olunan faktlara görə verilmiş cəzadan sonra “Qaradağ Lökbatan” klubun prezidenti Tahir Mustafayev “Qaradağ Lökbatan” – “Şəmkir” matçında stadionda olmuşdur. Bu səbəbdəndə klub prezidentinə verilmiş cəzaya 1 oyun stadiona giriş cəzası əlavə olunur. Bu hal yenidən təkrarlanacağı halda ona qarşı daha ciddi tədbir görüləcəkdir.
I Divizionun XXIX turunun “Kəpəz” – “Qaradağ Lökbatan” matçının 85-ci dəqiqəsində “Kəpəz” klubunun 8 №-li futbolçusu Tural Məmmədov hakimi təhqir etdiyinə görə qırmızı vərəqə alaraq meydandan kənarlaşdırıldığı üçün 4 oyun cəzalanır, klub 400 manat cərimə olunur.
I Divizionun XXIX turunun “Şahdağ” – “Şəmkir” matçının 74-cü dəqiqəsində “Şəmkir” klubunun 4 №-li futbolçusu Orxan Məmmədov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır, klub 200 manat cərimə olunur.
I Divizionun XXIX turunun “Energetik” – “Bakılı” matçının 89-cu dəqiqəsində “Bakılı” klubunun 19 №-li futbolçusu Nihad Əmirli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur.
I Divizionun XXIX turunun “Göyəzən” – “Zirə” matçının 77-ci dəqiqəsində “Göyəzən” klubunun 2 №-li futbolçusu İslam Piriyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur.
I Divizionun XXIX turunun “Rəvan” – “Ağsu” matçının 75-ci dəqiqəsində “Rəvan” klubunun 7 №-li futbolçusu Elvin Həsənəliyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur.
Oyunun 75-ci dəqiqəsində “Rəvan” klubunun 7 №-li futbolçusu Elvin Həsənəliyev qırmızı vərəqə alaraq meydançanı tərk edərkən künc bayrağın sındırdığına görə 3 oyun cəzalanır, klub 200 manat cərimə olunur.
Oyunun 83-cü dəqiqəsində “Ağsu” klubunun 8 №-li futbolçusu Natiq Kərimi idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur.
Oyunun 86-cı dəqiqəsində “Rəvan” klubunun 20 №-li futbolçusu Məhərrəm Hüseynov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur
