“Keşlə” internat məktəbini ziyarət etdi – FOTO
28.12.2019 , 19:32
“Keşlə” klubu Dünya Azərbaycanlılarının Həmrəylik günü və Yeni il bayramı ilə əlaqədar valideyn himayəsindən məhrum olmuş uşaqlar üçün 2 nömrəli ümumi orta internat məktəbini ziyarət edib.
Korner.az xəbər verir ki, tədbirdə klubun İdarə Heyətinin sədrinin müavini Elşan Abasov, İdarə Heyətinin sədrinin müşaviri Rövşən Mirzəyev, İdarə Heyətinin üzvü Elmar Qafarov, əsas komandamızın baş məşqçisi Tərlan Əhmədov, futbolçular Rəşad Sadiqov, Əfran İsmayılov və Azər Salahlı iştirak ediblər.
Klub tərəfindən uşaqlara müxtəlif hədiyyələr təqdim edilib, onlar üçün xüsusi əyləncəli proqram hazırlanıb. Əyləncəli proqramda uşaqlarla yanaşı futbolçuların da iştirak etməsi xüsusilə yaddaqalan olub.
2 saylı internat məktəbinin rəhbərliyi “Keşlə”yə bu ziyarətə görə təşəkkür edib. Öz növbəsində Abasov belə tədbirlərin xoş ənənəyə çevriləcəyini nəzərə çatdırıb və bundan sonra da internat məktəblərinə ziyarətlərin ediləcəyini bildirib.
