“Oyuna yaxşı başladıq. Erkən qol da vurduq. Hər zaman ilk oyun çətin keçir. Bir neçə qol epizodları yaratsaq da, rəqib qapıçı yaxşı oynadı”.
Korner.az-ın məlumatına görə, bu sözləri “İnter”in baş məşqçisi Kaxaber Sxadadze deyib.
“Bankirlər”in baş məşqçisi komandasının bu səddi keçməli olduğunu bildirib: “Topa yaxşı nəzarət edirdik. Mənfi cəhətimiz az pressinq etməyimiz oldu. İkinci hissədə də topa nəzarət bizdə idi. Buraxdığımız qol bizə yaraşmadı. Çünki rəqib bizim qapımıza yaxınlaşa bilmirdi. Sanki onlara qolu hədiyyə etdik. Evde 1:1 hesabı yaxşı nəticə deyil. Düşünürəm ki, “İnter” bu səddi keçməlidir”.
Daha sonra gürcüstanlı mütəxəssis Vaqif Cavadocun zəif çıxışı ilə bağlı bunları deyib:
“Vaqif millinin üzvüdür. Kimsə onun potensialına şübhə edə bilər. Ancaq mən onun oyunundan razıyam. İlk oyun olduğu üçün Vaqifdə müəyyən gərginlik var idi. Cavab oyununa çox yaxşı köklənməliyik. Səfərdə mütləq qol vurmalıyıq”.
Qeyd edək ki, “İnter” – “Mariehamn” oyunu 1:1 hesabı ilə başa çatıb.