"İnter" mövsüm başa çatmamış bir futbolçusu ilə yollarını ayırıb.
Korner.az-ın məlumatına görə, "bankirlər" braziliyalı Robertinyo ilə vidalaşıb. Buna səbəb onun hazırlıq səviyyəsinin gürcü mütəxəssisi qane etməməsidi.
Tərəflər qarşılıq razılıq əsasında müqaviləni ləğv ediblər. Robertinyo "İnter"in heyətində sadəcə XXII turda "Qarabağ"la səfər oyununda (0:0) meydana çıxmışdı.
Tam adı Roberto Soares Anqhinetti olan 24 yaşlı forvard "Amerika Mineyro" klubunun yetirməsidi. O, 2010-cu ildən "Dinamo"da çıxış edirdi və 72 oyunda 5 qol vurmuşdu.
