"Qarabağ" Topaz Premyer Liqasının 25-ci turunda "Neftçi" ilə oyun sonrası 2 günlük istirahəti başa vuraraq hazırlıqlara start verib.
Korner.az-ın klubun saytına istinadən verdiyi məlumata görə, "Qarabağ" dünən tək çalışmasını Suraxanı qəsəbə stadionunda keçib.
Ağdam təmsilçisində son oyunları zədə səbəbindən buraxan Branimir Subaşiç və Vaqif Cavadov artıq komandayla məşqdə iştirak ediblər. Hər iki futbolçunun "İnter"lə oyuna yetişib-yetişməməsi həftəsonuna qədər məlum olacaq.
"Qarabağ" bu gün tək məşqini Tofiq Bəhramov adına Respublika stadionunda saat 17:00-a nəzərdə tutulub.
Qeyd edək ki, "Qarabağ" – "İnter" görüşü aprelin 13-u baş tutacaq.
