Topaz Premyer Liqasında XIX tura bu gün “İnter Arena”da start verildi. “İnter” və “Sumqayıt” komandalarının üz-üzə gəldiyi ilk oyunda qapılara qol vurulmadı.
Korner.az-ın məlumatına görə, “İnter”in baş məşqçisi Kaxaber Sxadadze oyundan sonra fikirlərini bildirib:
“Yaxşı oyun alındı. Məncə, Türkiyə toplanışından sonra həm özümüz, həm də mətbuat komanda barədə çox danışdıq. Belə demək mümkünsə, gözə gəldik. Penaltini ona görə Yohan vurdu ki, Baçana meydançada yox idi. Penalti vuranların sıralamasında Baçana birincidir. Amma mən penaltini qola çevirə bilməyən Yohanı qınamıram. Belə hallar olur. Komandadan getmə məsələm barədə danışmaq istəmirəm. Çünki mən çempionatın qarşıdakı oyunlarına köklənmişəm”.
