Topaz Premyer Liqada mövsümün sonuncu – 36-cı turunda bu gün Gəncə şəhər stadonunda “Qəbələ” ilə görüşəcək “Kəpəz” ciddi itki ilə üzləşib.
Korner.az-ın klubun rəsmi saytına istinadən verdiyi məlumata görə, komandanın meydana çıxması sual altında olan əsas heyət üzvləri Julien Ebah və Namiq Ələsgərovun son durumuna aydınlıq gəlib.
“Zirə” ilə səfər oyununda zədələnən hər iki futbolçu bugünkü matçı buraxacaq. Həftə ərzində müalicə olunan oyunçuların vəziyyətinə son müayinədən sonra aydınlıq gəlib və tibbi personalın qərarı müsbət olmayıb.
Onu da qeyd edək ki, Tərlan Quliyev cəza müddətini başa vurduğundan “Qəbələ” ilə qarşılaşmada oynaya biləcək.
