Madrid “Real”ının baş məşqçisi Joze Mourinyo karyerasının ən pis dönəmini keçirdiyini bildirib.
Korner.az-ın məlumatına görə, “kral” klubu ilə La Liqa, Çempionlar Liqası, “Kral kuboku”nda uğursuzluğa düçar olan portuqaliyalı mütəxəssis məyus olduğunu gizlətməyib:
“Zəngin karyeramda ən zəif mövsümü keçirdim. Bir final, bir yarımfinal, La Liqada ikincilik və bir də Super Kubok… Mənim üçün çox pis keçdi. Bunu gizlətmirəm. Böyük uğurlara imza atdıqda, gerisini gətirməmək də olur. Bu mövsüm bizim üçün çox uğursuz keçdi. Hər şey yaxşı ikən hörmətiniz çoxalır, elə ki uğursuzluq oldu, o zaman bütün günahları sizdə görərlər”.
